عواطف

أول نظرة بتخطف قلبك بيسموها النظرة الأولي
قالوا بتسحر قالوا بتقتل بتخلي عيونك مشغولة

دي كانت مطلع الأغنية اللي اتألفت واتلحنت واتغنت مخصوص في فرحي

وكانت هي هديتي لزوجتي الحبيبة عواطف

أنا فضلت سنة ونصف ادور علي :

بنت متدينة تفهمني وتعينني علي طاعة ربنا وتبقي موافقة أن - الويك إند في طرة - زي مانا قلتلها في أول مرة نتكلم مع بعض
بنت تعرف تربي أولادي علي طاعة ربنا وحبه وحب النبي صلي الله عليه وسلم وعلي العزة والكرامة والحرية .

بنت نذرت نفسها وروحها وعقلها وحياتها لله .
بنت لا تدع الظروف الحياتية علي صعوبتها عائق أمام واجباتها تجاه وطنها ودعوتها ودينها

يااااااااااه الحروف والكلمات ماتكفيش يا عواطف لو فضلت أحكي أنا بحبك ليه وإزاي
أنا ماقدرتش أكتب أي حاجة في المدونة إلا بعد ماأقول لك :

عواطف...........أنا بحبك