Tuesday, January 8, 2008

صورة مهداة إلى الملازم هاني هلال وزير التعليم العالي




عمو هاني هلال كل ماحد يجيب سيرة التدخلات الأمنية في الجامعات يعمل فيها سبع رجالة في بعض
ويقولك لا - كذب - اوعي - مش انا اللي اسمح بكدة
طيب يا عم هاني ايه رايك في الصورة المرفقة واللي بمنتهي البجاحة جامعة القاهرة في كلية الاقتصاد والعلوم السياسية محاصرة طلبة الدراسات العليا الوافدين الذين لم تاتي لهم الموافقة الامنية
مش انا اللي باقول- دي لوحة توزيع لجان الإمتحان هي اللي بتقول
لو قلت ذيع هاذيع
لو قلت ماذيعش هاجرسك
اختار انت

4 comments:

الكواكبي said...

ايوه يا عم انت . . ما فيش تدخل امني في الجامعات؛ تدخل دي معناها انهم بره او بعيد وبيحاولوا يحشروا مناخيرهم في شئون الجامعات والكلام ده مش صحيح "ابسلوتلي" على رأي اللمبي
الأمن صاحب بيت والأساتذة هما اللي بيرخموا على الظباط
وسلم لي على الحريات الأكاديمية

mostafamahmod said...

أول حاجة أنا أعرف إن سيادة الملازم اترقى وخد نسر ودبوووووورة

يعنى بقى أمباشا أمين شرطة اسم الله أد الدنيا وده مايصحش إنك تقول عليه ملازم

ثانيا يا أخى دى بلدهم وهمة حرين فيها
يسلقوها
يحمروها
يسووها نى ف نى
يطربقوها
إنتوا مالكوا
ياباااااى عالرخااامة
ماتسيبو عبد المأمور يعبد المأمور على روقان وبخشووع وبإخلاص


الللللله

أعبد يا أخى المأمور ...أعبد ....اللهم قوى إيمانك...بالمأمور...وأقم الصلاه

عبد الجواد said...

سامح بيه
الموافقة الامنية علي الطلاب الوافدين ليست بسبب استباعدهم ولكن اطمئنانا من انهم لا يحملون انفلوانزا الطيور
لذا يلزم استخراج تقرير امنى من خلوهم من هذا الفيروس

انتو مفيش فيكم فايده يعني احنا خايفين علي مصالح البلد وانتو برده مش عاجبكم
نعمل فيكم ايه تاني
مفيش حاجه نافعه معاكم

dalia said...

معذرة أنا عايزه أعرف متى تم تعليق هذه اللافته داخل الكلية وماهي تكملة الصورة معلش أصلي صحفية ومحتاجه شوية توضيح بالمناسبة أنا مسئولة عن صفحة اسمها احنا التلامذه وممكن أعمل تنويه عن مدونتك ارجوك توضح المسألة شويه