ماتستغربوش من عنوان البوست
أظن من أبسط حقوق الإنسان أنه لما يطلب ساندويتش سبايسي يجيله
النهاردة اتصلت بالمطعم اللي جنب الشغل وطلبت ساندويتشين وقلت له فيه منهم سبايسي ؟
قاللي كل الساندويتشات فيه منها سبايسي قلت له شكرا وقفلت
الجرس رن وجاتلي الساندويتشات وابدأ آكل يا محترم وعاااااادددددييييييك
الباشواااااات غرقوا الساندويتشات
!!!!!!!!!!!!! شطة حمرا
ده مفهوم السبايسي عندهم
يا رب ارزق حسني والعادلي ومن علي شاكلتهم بأي حاجة سبايسي تعذبهم لغاية مايموتوا
آمين
11 comments:
ههههههههههههههههههههههههههههه :-)
اللهم أمين
hdfgudgugiyikkk
عاوز/ة كل الناس تعرف مدونتك
اشترك في مشروع الغريب لارشيف المدونات
http://elgharep.blogspot.com/2006/12/blog-post_15.html
............
المدونات العربية
http://arabblogs.blogspot.com/
........
بدل لما تحط لستة طويلة باسماء المدونات
عندك في مدونتك
حط اسم مدونة واحدة تحتوي على اسماء كل المدونات
........
عاوز اسمك يضاف الى قائمة المدونات
ارسل لنا اسم مدونتك وعنوانها و اسمك
على
za_shady@yahoo.com
...........
لو عجبك المشروع أخبر به كل اصدقائك لكي ينجح
امضاء
أعضاء مشروع الغريب لارشيف المدونات
امين يارب
ويكون بالزيت الحاااااااااار
حار ونار في جتتهم يارب
جالي ايميلك يا سامح
فيه لقاء مدونين يوم الخميس الساعة خمسة في روستري الزمالك جنب ساقية الصاوي
ممكن اقابلك هناك لو فاضي ان شاء الله
وحتصل بيك قريبا
ربنا يكرمك
وجزاكم الله خيرا
مستنين مقالك يابرقي الي وعدت بيه عن الاخوان نظره من الداخل
وموضوع الاسبايسي ده ليه علاقه بالموضوع و لا ايه :)
ياتري فاكرني ولا لا :)
علي العموم كنت معاك في القضيه سنه 99 مستني مقالاتك من غير سبياسي و لا اي تجميل :)
:] ااااااامين يارب
طيب ما تطلبش بقى كول سلو ليجيبولك محشي كرنب :D
أمين يارب
والنبى يا سامح بلاش تكتب فى الاخوان
اكتب عن الشيوعية أحسن
الأخوان مش ناقصين يا حبيبى
الله الله ليه كدة يا أبو مريم
أنا عاذرك تلاقيك خايف من صاحبك
إوعوا الخوف..
الصورة وضحت يا جماعة ،مصر ما فيهاش حد لسة على قيد الحياة الا الإخوان ،علشان كده المطلوب انهم يسكتوا ويبيعوا القضية زى اللى باعوا فى انتظار شوية مقاعد فى مجلس الشعب ،لاحظوا مواقف الوفد والتجمع والناصرى ،المسالة واضحة يا إخوانا ..مصر مفيهاش بيتحرك الا الاخوان ،والنظام القمعى ضد الحركة اصلا لانه نظام ميت اكلينيكيا ،على فكرة واحد علاقته مع ربنا حلوة قوى حكالى انه شاف حتة حلم معناه باختصار ان ربنا هيخلصنا قريب من الظالمين ،
يا جماعة الناس محتاجين الاخوان قوى ،انا عارف ان الضغطة جامدة ،بس لازم نشد حيلنا ونقف ،حتى لو متنا لازم نموت كما الاشجار واقفين ،اوعوا حد فيكم يخاف او يياس او يبعد شوية لغاية ما الموجة تعدى ،لا ياسيدى الموجة اللى تاخدنى مع الاخوان لربنا احسن من السلامة بعيد عن الاخوان وعن ربنا ،ربنا بيقدر وبيختار لكل واحد فينا دور ،ربنا اخترنا علشان نكون مع الناس دى بالذات ،انا شخصيا عدت عليا اوقات خفت فيها لكن بعد القبض على غزلان ونصار والقصاص ومحى حامد المسالة مبقتش فارقة ،كبيرهم ايه يعملوه ،السجن ..مفيش مشاكل الناس الكويسة هى اللى بتتسجن الان ،والناس العادية الان اصبحت عارفة كده كويس ،ان الاخوان هما الامل وهما الرعب اللى قدام الحكومة ،لازم نكون عند حسن ظن ربنا اللى اختارنا للطريق ده ،لازم نكون عند حسن ظن الناس اللى بيبصوا للاخوان على انهم القوة الحية والنابضة فى البلد .شدوا الحيل واصبروا وتوكلوا على الله .
على فكرة يا ريت تقروا المقال ده ليا على موقع الاخوان ..
http://www.ikhwanonline.com/Article.asp?ID=26958&SectionID=0
Post a Comment