بحبك أوي يارب

ساعات

زي أي حد
إيماني يزيد وينقص
ساعات رمضان كان بيبقي فرصة أني أقرب من ربنا فعلا وأخرج إنسان تاني
وساعات ماكنتش أقدر أستفيد منه بشكل كويس

خايف

أنا خايف أوي من رمضان ده
بس فعلا أول مرة أبقي خايف
خايف عشان حالتي الإيمانية مش كويسة
خايف لأني مش جاهز .... مش مستعد ..... مش عارف
خايف لأن عزيمتي ضعيفة
خايف لأن السنة اللي فاتت كانت سنة أذنبت فيها ذنوب بالأطنان
خايف أكون من اللي خابوا وخسروا لأنهم لم يغفرلهم فيه

يااااااااااااه
هو أنا صليت في الصف الأول كام مرة ؟
هو أنا صليت قيام كام ركعة ؟
هو أنا ختمت القرآن كام مرة ؟
هو أنا تبت لربنا كام مرة ؟
هو أنا بكيت بين إيدين ربنا كام مرة ؟
هو أنا ضاعت مني صلوات كام مرة ؟
هو أنا اغتبت كام واحد ؟
هو أنا فيه إيه ماعملتوش من الحاجات اللي تبت منها في رمضان اللي فات ؟
هو أنا ممكن أعرف أقف بين إيدين ربنا وأقول له اغفر لي ومش هاعمل كدة تاني؟

بس أنا بحبك أوي أوي يا رب
بس أنا بحبك أوي أوي يا رب

ولما حد بيفكرني بيك باخاف

ولما استحضر تجرؤي وعصياني باندم وأرجع وأمرغ راسي علي اعتابك

أه أنا بحبك أوووي يا رب
كل الضلمة اللي في قلبي دي مازودتش جوايا غير حبي ليك

يارب
أنا عارفك يا رب
بتفرح بتوبة عبدك
بتأتيه هرولة وإن آتاك يمشي

يارب لا ينفعك عذابي ولا يضرك غفرانك لذنوبي
أعني علي شيطاني ونفسي
أذهب عني هذا الخوف العجيب
قربني منك ولا تبعدني
أكرمني ولا تهني
أعطني ولا تحرمني
حبني اكتر من حبي ليك
تفضل علي بجودك وكرمك وعطفك
يارب... يارب... يا رب... يارب
بحبك أوي يا رب

إخلاء سبيل د/سناء أبو زيد

أصدرت نيابة أمن الدولة العليا قرارا بإخلاء سبيل د/سناء أبو زيد عضو مجلس شورى الإخوان المسلمين وذلك بعد انتقال أحد أعضاء النيابة لمستشفي المنيل الجامعي حيث يتم احتجاز الدكتور سناء بالرعاية المركزة نظرا لخطورة حالته الصحية

يذكر أنه صدر قرار لبقية المجموعة بتجديد الحبس وسيعرضون علي النيابة يوم 29/9 /2007

يبدو أن الطريق الوحيد لكي تحصل علي حريتك من هذا النظام الكئيب الوصول لهذه الحالة الصحية الخطرة

كالعادة الاستمرار تلو الاستمرار

أصدرت نيابة أمن الدولة العليا قرارا بتجديد حبس قيادات الإخوان - مجموعة ال 17 - لمدة 15 يوم علي أن يتم عرضهم يوم 13 سبتمبر وهو في الأغلب أول أيام شهر رمضان

يذكر أنه انتقل رئيس النيابة منذ دقائق إلي مستشفي القصر العيني ليعاين د/محمود حسين عضو مكتب الإرشاد والموجود حاليا بالمستشفي حيث أجرى منذ أيام قسطرة تشخيصية للقلب كشفت أنه يوجد انسداد بنسبة 80% في أحد الشرايين التاجية

وينتظر د/محمود حسين قرار النيابة ليقرر السفر لإجراء عملية القلب المفتوح بالخارج أم سيضطر إلي عملها وهو قيد الحبس الاحتياطي

تحديث

قررت النيابة الإفراج عن د/محمود حسين

بقضاء ربى مرحبا

أول إبداعات د/سناء أبو زيد من وراء القضبان
بقضاء ربى مرحبا
بقضاء ربى مرحبا

بقضاء ربى مرحبا .... اشدو بها يا أخوتى

فقضاؤه خير لنا ... مهما أتى بالشدة

بقضاء ربى مرحبا

لا تشفقوا من محنتى .... هى فى الحقيقة منحتى

هى صحة لعقيدتى ... وطهارة لسريرتى

بقضاء ربى مرحبا

هى خلوة لعبادتى ... وتعلم لشريعتى

ومحطة لمتابتى ... وتدارك للزلة

بقضاء ربى مرحبا

هى منبع للحكمة ... وصناعة للقدوة

وبلاغة فى الحجة ... وترابط مع خلتى

بقضاء ربى مرحبا

نقلا عن مدونة هاعيش وأتحدي أحزاني

اختفاء سيارات قيادات الإخوان

قام أولاد الإخوان المقبوض عليهم بالأمس بالبحث عن سيارات أبائهم في الشوارع المحيطة بمنزل الأستاذ نبيل مقبل الذي قبض عليهم فيه

وحتي الآن لم يتم العثور علي أي سيارة

ومنها سيارات

د/عصام العريان مسئول القسم السياسي بالجماعة
د/سناء أبو زيد عضو مجلس شورى الجماعة

الحج السيد نزيلي مسئول المكتب الإداري بالجيزة

والسؤال الآن هل تنضم هذه السيارات إلي الملايين التي تتم سرقتها بشكل دائم من بيوت الإخوان

وانتم عارفين الرزق يحب الخفية

القبض علي قيادات من الإخوان المسلمين

ألقت مباحث أمن الدولة منذ ساعتين علي 16 من قيادات الإخوان المسلمين

وعلي رأسهم

د/محمود حسين عضو مكتب الإرشاد

د/عصام العريان مسئول القسم السياسي بالجماعة

د/سناء أبو زيد عضو مجلس شورى الجماعة

د/أحمد عمر مسئول المكتب الإداري جنوب القاهرة

د/حسام أبو بكر مسئول المكتب الإداري شرق القاهرة

د/محيي الزايط نائب مسئول مكتب إداري شرق القاهرة

الحج السيد نزيلي مسئول المكتب الإداري بالجيزة

ا/ نبيل مقبل عضو مجلس شورى الجماعة والذي كان يستضيفهم في منزله

خالد البلتاجي من إخوان القاهرة
محمد صلاح من إخوان أسيوط

القصاص هايخرج يا رجالة

الله أكبر ولله الحمد

قضت الدائرة الثامنة جنايات بقبول الاستئناف المقدم ضد قرارالدائرة التاسعة بحبس د/محمود غزلان ومحمد القصاص وا/محمد السروجي و د/مصطفي الغنيمي و د/محيي حامد

وبذلك سيتم الإفراج عنهم جميعا بإذن الله

كفارة يا حج قصاص

ملحوظة هامة :

يتم الإعداد لرحلة هنكرة مركزة لشلة الثقب الأسود لإعادة تأهيل الأخ محمد القصاص

القصاص ومشاهد من الشهر الماضي

القصاص ومشاهد من الشهر الماضي
(تجديد حبس القصاص 45 يوم)
1)النيابة :
القصاص بيسلم عليا ويطمن علي اخباري وشغلي وبيتصل بوالدته ووالده يطمن علي صحتهم وبعدين اتصل بإيمان خطيبته يطمن عليها وعلي اخبار المشاريع اللي بتقدمها للكلية وبيقولها كل سنة وهي طيبة عشان ده يوم عيد ميلادها
باتحايل على قصاص يتصل بفلان اللي ليه علاقه بشغله يقوللي لالالالا اتصل لي بحسن علي اباركله (وحسن علي ده صديق للثقب الأسود – نوبي طيب- ويعتبر محمد كل ماله في الدنيا يستشيره في حياته ويحل له كل مشاكله ) عشان جوازه كمان 4 ايام !!!!ويؤكد محمد علي صديقه حسن أن الكارت اللي هو بعتهوله وصله
وبعدين محمد بيتصل بعلي ليلة يقول له حمدلله على السلامة عشان جه من امريكا
وبعدين بواحد صاحبه كان عنده مشكله في الشغل
و...............................
فعلا القصاص حبيب الملايين

2) السجن :
القصاص ياخدني بالحضن ويقوللي ثواني عشان بيجيب كراسي وشنط للأخوة الأكبر سنا اللي بيزوروا في نفس الوقت
وبعدين محمد يقاطعني كل ماجي اطمن عليه ويطلب مني اخباري واخبار مراتي وولادي واخبار كل واحد في الشلة بالتفصيل الممل ويصر علي ان أبقى معه حتي نحتفل بعيد ميلاد خطيبته ونطفي الشمع .
كل سنة وانتي طيبة يا باشمهندسة إيمان
3) المحكمة :
القصاص واقف بيسمع لمرافعات المحامين أمام الدائرة 9 جنايات القاهرة (غرفة المشورة) ومستغرب من القاضي العجيب اللي بيصلح غلطات النيابة واللي منها أن ممثل النيابة في مرافعته أثبت أن المركز القانوني للمتهمين كافة متماثل فقاطعته هيئة الدفاع مطالبة بالافراج لان هناك اثنان من المتهمين قد تم الافراج عنهما من قبل وبالتالي الافراج عن الباقين وجوبي مادام المركز القانوني متماثل
ولكن عم القاضي العجيب قالهم ممثل النيابة مكانش يقصد كدة !!!!؟؟؟؟؟
وأصدر قراره المشئوم بتجديد حبس الجميع 45 يوم
حسبنا الله نعم الوكيل
4) كل مكان :
شوفي يا عواطف المطعم ده كنت باكل فيه مع قصاص
بصي مركز الدراسات الاشتراكية اللي كنت باروحه مع قصاص
ياااااه القميص ده انا شاريه مع قصاص
علي فكرة الموقف ده قصاص كان هايتصرف فيه بالشكل الفلاني
ياجماعة هو قصاص مجاش لسة -- يااه انا اسف والله نسيت ربنا يطلعه بالسلامة
دي عينة يومية من الكلمات اللي علي لساني

5)مع ابني الكبير تقي :
بابا هو عمو قصاص لسة ماخرجش؟
هما الامن المركزي الوحشين خدوا عمو قصاص ليه ؟
بابا هو حسني مبارك الوحش كان قبل ما يبقي وحش كان طيب ؟

آآآآآآآآآآآآآآه وحشتني يا قصاص

الحمد لله

الحمدلله

بفضل الله عز وجل

انتهت مؤقتا المطاردات ورجعنا أنا وأولادي وزوجتي إلى منزلنا العزيز

وذلك بعد أن زرت مقر مباحث أمن الدولة بالجيزة

جزا الله خيرا كل من اتصل واطمئن ودعا لنا بخير

وحمدلله على سلامة اخواننا اللي خرجوا

وربنا يفك أسر المأسورين

التفاصيل قريبا

عبد المنعم حر أخيرا

س : سامح انزل بسرعة عشان فيه حملة أمن دولة جنبك عند الأخ فلان
أنا : جزاك الله خيرا يا حبيبي بس أنا في الشارع أصلا عشان هما من ساعتين كانوا عند المهندس......
س : طيب انت سلمت علي عبد المنعم ولا لا؟
أنا : ايه ده هو خرج ؟؟ السلام عليكم

اتصلت بحبيبي عبد المنعم لقيت الموبيل مقفول
فضلت وراه لغاية مارد عليا وهو خارج من الامتحان امبارح وقابلته واتطمنت عليه وعلي والده وعلي آخر أخبار المغامرات مع الخواجة مؤة وزمايلهم من الجنائيين اللي أكيد عبد المنعم هايحكيلنا عنهم قريب
علي فكرة
أنا اكتشفت إني بحبك أووووي يا عبد المنعم ويعلم الله انا كنت مفتقدك أد إيه

كفارة يا حج عبد المنعم يا عبده توتر
حمدلله علي السلامة يا رويتر الإخوان
مبيعات المولتو انخفضت وانت ف السجن
شد حيلك وكل كويس عشان انت خارج خاسس جدا وهفتان
خد بالك من ماما وبابا عشان انت كنت واحشهم اووووي وانت جوة
ماتباتش في البيت عشان القفش بتاع انتخابات الشورى

وعقبال جميع المظلومين والمقهورين والمأسورين

عودا حميدا ومستنيين إبداعاتك الإعلامية