Friday, August 17, 2007

القبض علي قيادات من الإخوان المسلمين

ألقت مباحث أمن الدولة منذ ساعتين علي 16 من قيادات الإخوان المسلمين
وعلي رأسهم
د/محمود حسين عضو مكتب الإرشاد
د/عصام العريان مسئول القسم السياسي بالجماعة
د/سناء أبو زيد عضو مجلس شورى الجماعة
د/أحمد عمر مسئول المكتب الإداري جنوب القاهرة
د/حسام أبو بكر مسئول المكتب الإداري شرق القاهرة
د/محيي الزايط نائب مسئول مكتب إداري شرق القاهرة
الحج السيد نزيلي مسئول المكتب الإداري بالجيزة
ا/ نبيل مقبل عضو مجلس شورى الجماعة والذي كان يستضيفهم في منزله
خالد البلتاجي من إخوان القاهرة
محمد صلاح من إخوان أسيوط

Wednesday, August 8, 2007

القصاص هايخرج يا رجالة

الله أكبر ولله الحمد
قضت الدائرة الثامنة جنايات بقبول الاستئناف المقدم ضد قرارالدائرة التاسعة بحبس د/محمود غزلان ومحمد القصاص وا/محمد السروجي و د/مصطفي الغنيمي و د/محيي حامد
وبذلك سيتم الإفراج عنهم جميعا بإذن الله
كفارة يا حج قصاص
ملحوظة هامة :
يتم الإعداد لرحلة هنكرة مركزة لشلة الثقب الأسود لإعادة تأهيل الأخ محمد القصاص

Monday, August 6, 2007

القصاص ومشاهد من الشهر الماضي

القصاص ومشاهد من الشهر الماضي
(تجديد حبس القصاص 45 يوم)
1)النيابة :
القصاص بيسلم عليا ويطمن علي اخباري وشغلي وبيتصل بوالدته ووالده يطمن علي صحتهم وبعدين اتصل بإيمان خطيبته يطمن عليها وعلي اخبار المشاريع اللي بتقدمها للكلية وبيقولها كل سنة وهي طيبة عشان ده يوم عيد ميلادها
باتحايل على قصاص يتصل بفلان اللي ليه علاقه بشغله يقوللي لالالالا اتصل لي بحسن علي اباركله (وحسن علي ده صديق للثقب الأسود – نوبي طيب- ويعتبر محمد كل ماله في الدنيا يستشيره في حياته ويحل له كل مشاكله ) عشان جوازه كمان 4 ايام !!!!ويؤكد محمد علي صديقه حسن أن الكارت اللي هو بعتهوله وصله
وبعدين محمد بيتصل بعلي ليلة يقول له حمدلله على السلامة عشان جه من امريكا
وبعدين بواحد صاحبه كان عنده مشكله في الشغل
و...............................
فعلا القصاص حبيب الملايين

2) السجن :
القصاص ياخدني بالحضن ويقوللي ثواني عشان بيجيب كراسي وشنط للأخوة الأكبر سنا اللي بيزوروا في نفس الوقت
وبعدين محمد يقاطعني كل ماجي اطمن عليه ويطلب مني اخباري واخبار مراتي وولادي واخبار كل واحد في الشلة بالتفصيل الممل ويصر علي ان أبقى معه حتي نحتفل بعيد ميلاد خطيبته ونطفي الشمع .
كل سنة وانتي طيبة يا باشمهندسة إيمان
3) المحكمة :
القصاص واقف بيسمع لمرافعات المحامين أمام الدائرة 9 جنايات القاهرة (غرفة المشورة) ومستغرب من القاضي العجيب اللي بيصلح غلطات النيابة واللي منها أن ممثل النيابة في مرافعته أثبت أن المركز القانوني للمتهمين كافة متماثل فقاطعته هيئة الدفاع مطالبة بالافراج لان هناك اثنان من المتهمين قد تم الافراج عنهما من قبل وبالتالي الافراج عن الباقين وجوبي مادام المركز القانوني متماثل
ولكن عم القاضي العجيب قالهم ممثل النيابة مكانش يقصد كدة !!!!؟؟؟؟؟
وأصدر قراره المشئوم بتجديد حبس الجميع 45 يوم
حسبنا الله نعم الوكيل
4) كل مكان :
شوفي يا عواطف المطعم ده كنت باكل فيه مع قصاص
بصي مركز الدراسات الاشتراكية اللي كنت باروحه مع قصاص
ياااااه القميص ده انا شاريه مع قصاص
علي فكرة الموقف ده قصاص كان هايتصرف فيه بالشكل الفلاني
ياجماعة هو قصاص مجاش لسة -- يااه انا اسف والله نسيت ربنا يطلعه بالسلامة
دي عينة يومية من الكلمات اللي علي لساني

5)مع ابني الكبير تقي :
بابا هو عمو قصاص لسة ماخرجش؟
هما الامن المركزي الوحشين خدوا عمو قصاص ليه ؟
بابا هو حسني مبارك الوحش كان قبل ما يبقي وحش كان طيب ؟

آآآآآآآآآآآآآآه وحشتني يا قصاص

Wednesday, June 27, 2007

الحمد لله

الحمدلله
بفضل الله عز وجل
انتهت مؤقتا المطاردات ورجعنا أنا وأولادي وزوجتي إلى منزلنا العزيز
وذلك بعد أن زرت مقر مباحث أمن الدولة بالجيزة
جزا الله خيرا كل من اتصل واطمئن ودعا لنا بخير
وحمدلله على سلامة اخواننا اللي خرجوا
وربنا يفك أسر المأسورين
التفاصيل قريبا

Monday, June 4, 2007

عبد المنعم حر أخيرا


س : سامح انزل بسرعة عشان فيه حملة أمن دولة جنبك عند الأخ فلان
أنا : جزاك الله خيرا يا حبيبي بس أنا في الشارع أصلا عشان هما من ساعتين كانوا عند المهندس......
س : طيب انت سلمت علي عبد المنعم ولا لا؟
أنا : ايه ده هو خرج ؟؟ السلام عليكم

اتصلت بحبيبي عبد المنعم لقيت الموبيل مقفول
فضلت وراه لغاية مارد عليا وهو خارج من الامتحان امبارح وقابلته واتطمنت عليه وعلي والده وعلي آخر أخبار المغامرات مع الخواجة مؤة وزمايلهم من الجنائيين اللي أكيد عبد المنعم هايحكيلنا عنهم قريب
علي فكرة
أنا اكتشفت إني بحبك أووووي يا عبد المنعم ويعلم الله انا كنت مفتقدك أد إيه

كفارة يا حج عبد المنعم يا عبده توتر
حمدلله علي السلامة يا رويتر الإخوان
مبيعات المولتو انخفضت وانت ف السجن
شد حيلك وكل كويس عشان انت خارج خاسس جدا وهفتان
خد بالك من ماما وبابا عشان انت كنت واحشهم اووووي وانت جوة
ماتباتش في البيت عشان القفش بتاع انتخابات الشورى
وعقبال جميع المظلومين والمقهورين والمأسورين

عودا حميدا ومستنيين إبداعاتك الإعلامية

Sunday, May 27, 2007

يمكن تنسينا الهم ولو لثانية

A foreign Newspaper wants to publish a report about the life in Egypt, So they send a female reporter to interview the common citizen in Egypt. when she arrives at Cairo. she picks a random guy, and starts her interview

Reporter: Hi
Egyptian: We 3alkom el salam ya 2otta

Reporter: Do u speak English?
Egyptian: Berfect

Reporter: Do u mind if i interview u?
Egyptian: No, I don't have a mind

Reporter: What's your name?
Egyptian: Taha

Reporter: Sex?
Taha: I love it

Reporter: oh no, i meant male or female?
Taha (yelling): what do u sink?

Reporter: Its just for the sake of the report..never mind...male. ...
Taha: yas male.. and I can brove it any time u want

Reporter: No, thanks, I'll take u for ur word...so..how do u find life here in egypt?
Taha: Egybt.. very nice cantry.. nice wezar.. nice food.. byramidz

Reporter: oh well.. beside the weather and the pyramids..what else do u like in ur country?
Taha: Byramids, nice wezar, nice food

Reporter: Ok.. let 's move on.. what do u do?
Taha: I am very well ,sank u

Reporter: No, I mean do u have a job?
Taha (looking around him and whispering): Jobat?..no i dont have any (jobat).. lessa mastaba7nash. .do u have a (job) with u?..we can esmoke it in my car.. don't warry about bolice

Reporter: Oh my god, DO YOU WORK?
Taha: Yas yas.. Taxi drivar

Reporter: What do u think about the traffic problem in egypt?
Taha: Very big broblem.. very much cars.. u see?.. but za guvurment is trying to make it bettar..zey did za circle street and za me7war street.. and zey make all streets one way so if u go..u cant come back..niahahaha3

Reporter: What about the economic problems in Egypt?
Taha: I do not undurstand what u say

Reporter: I mean.. how do u deal with money problems in egypt?
Taha: No NO NO..egybt very rich cantry...we have alot of cotton..alot of water.. and we have byramidz

Reporter: So do u make a lot of money?
Taha: No no.. it is not legal to make money..one frend i know make money at home.. and he go to brizon..if u make money at home..u can only give it to za banzeena man..they take any money

Reporter: let me rephrase..since Egypt is a rich country.. do u have a lot of money?
Taha: me?! ..Not a lot.. but I eat and drink Al7amdulelah?

Reporter: Then where does all the money go?
Taha: Guvurment

Reporter: And what does the government do with the money?
Taha: Zey Build circle street,me7war street and make all streets one way

Reporter: well , Ok...Do u vote?
Taha: What duz zat mean?

Reporter: Do u choose your president
Taha: Mubarak?

Reporter: yes
Taha (nervously): I didn't give my voice..but if i was..i will give him my voice

Reporter: Why him?
Taha: Because he was an airoplane in za war..he waz za leadar airoplane

Reporter: But there r no wars right now
Taha: But if we have war..u see?...we know we will have a very good airoplane in it

Reporter: what about the last 26 years ?
Taha : I got marry.. and have 3ala2 and Amira..and drive taxi

Reporter: No, I meant what did Mubarak do for Egypt in the last 26 years
Taha: He build circle street,me7war street and make all streets one way

Reporter: Thank you very much for ur time Mr. Taha
Taha: No broblem, only 10 bounds

Reporter: I never said i will pay u for this
Taha: Ok.. just give me the (job) then..we smoke ,and make head

Reporter: Grrrrrrrr
Taha: ok ok.. need a Taxi?
نقلا عن أ/وائل عباس

Monday, May 21, 2007

صباحو ديموقراطية

لجنة الانتخابات في البحيرة تعلن القائمة النهائية لأسماء المرشحين في انتخابات الشورى بدون أسماء مرشحي الإخوان

Thursday, May 17, 2007

مخنوووووووووووووووووووووووووووووووق

مش قادر خلاص

الضغط أكثرمما أتحمل .....
ارحمنا يا رب
اقول ايه ولا ايه

أقول اني حاولت اكتر من 10 مرات اكتب عن اقرب الناس ليه (محمد القصاص) وماقدرتش اكتب بسبب البكاء

أقول اني فشلت في زيارة محمد القصاص 4 مرات بسبب ظروفي الشخصية
اقول ان نفسي اقابل حبيبي عبد المنعم ونتكلم والسجن مانعنا

اقول ان كل ماجي انام افتكر :
افتكر اطيب ام واطيب اب : ام محمد القصاص وابوه اللي كنت عندهم اول امبارح
افتكر : ولاد نادر توفيق ومحمد عبد العال وعبدالحمن سعودي وايمن عبد الغني وعصام حشيش و...............................
وانا نايم في حضن ولادي !!!!!!!!

اقول اني لسة راجع من عند الدكتور مع ماما لان الازمة جاتلها تاني

اقول اني خايف ولادي يطلعوا في هذا الجو الخانق الذي يسيطر عليه الطغاة والمفسدون و الاذيال النجسة

اقول اني مش قادر امنع نفسي من البكاء كل يوم !!!!! وانا الذي عادة اصبر من اعرفهم

اقول اني مش قادر استشعر معاني الآيات التي تبشر بنصرة المستضعفين زي زمان
أقول ان الليل طول اووووووووووي المرة دي وواضح ان الفجر اللي مستنيينه كلنا تم اعتقاله هو كمان.

أقول أن .............................................. لالا حتي كتابة الهموم مش قادر عليها

يااااااااااااااااااااااااااااااااااااااه
افرجها يا رب افرجها يا رب
أنا اسف لكل من ستضايقه التدوينة بس ده جزء صغير مما أشعر به

Tuesday, May 15, 2007

يا رب


ليس لها من دون الله كاشفة

Saturday, February 17, 2007

أنا آسف


أقدم للجميع اعتذاري عن عدم وفائي بما وعدت

أنا مكسوف فعلا من كل من يطالع المدونة

الحمدلله ظروفي السابقة-والتي منعتني من الكتابة- قاربت علي الانتهاء وإن شاء الله قريبا أعاود الكتابة عما وعدت وعن الظروف المهببة اللي عايشينها

بحبكم ووحشتوني